Ümumi məlumat:

“Ən yaxşı İnternet layihə” müsabiqəsi Azərbaycan Respublikasının Rabitə və Informasiya Texnologiyaları Nazirliyinin, Gənclər və İdman Nazirliyinin və “İrəli” İctimai Birliyin dəstəyi ilə Birinci Milli İnternet Forumun çərçivəsində keçirilir. Müsabiqə 28 oktyabr – 1 mart 2010-cu il tarixlərində keçiriləcək. Müsabiqədə İKT sahəsinin mütəxəssisləri iştirak edə bilərlər. İştirak üçün ad, soyad, atanın adı, peşə və layihənin adı, əlaqə məlumatlar project@corp.yumroo.com elektron ünvanına göndərilməlidir.

Müsabiqənin məqsədləri:

• həyat keyfiyyətinin yaxşılaşdırılmasına yönləndirilmiş İT texnologiyalar imkanlarının istifadəsi ilə hazırlanmış layihələrinin dəstəyi;
• perspektivi olan innovasiya, mədəni və yaradıcı gənc layihələrin dəstəyi;
• İT texnologiyaların istifadəsi sahəsində gənc auditoriyanın nailiyyətlərinin möhkəmləndirilməsi;
• gənclərin gələcəkdə istifadələri üçün İT texnologiyaların öyrənilməsinin stimullaşdırılması;
• İnternet sahəyə inamın artırılması;
• potensial işə götürənlərin gələcək İT mütəxəssislərə olan diqqətinin cəlb edilməsi;
• perspektivi olan proqramçıların məlumat bazasının yaradılması və İnternetdə yerləşdirilməsi.

Müsabiqənin təşkilatçıları:

Müsabiqə YUMROO şirkəti (milli axtarış portalı www.yumroo.az) tərəfindən təşkil edilir.

Dəstək:

Azərbaycan Respublikasının Rabitə və Informasiya Texnologiyaları Nazirliyi, Gənclər və İdman Nazirliyi və “İRƏLİ!” İctimai Birlik.

Münsiflər heyyəti:

Müsabiqənin münsiflər heyyəti – YUMROO şirkətinin, Azərbaycan Respublikasının Rabitə və Informasiya Texnologiyaları Nazirliyinin, Gənclər və İdman Nazirliyinin, HP, Microsoft, ORACLE, AzeriCard şirkətlərinin nümayəndələri.

Müsabiqə iştirakçıları:

Müsabiqədə iştirak etmək üçün İKT sahəsinin mütəxəssisləri dəvət olunur. Müsabiqədə həm fərdi, həm də İT komanda şəklində iştirak etmək olar.

Müsabiqənin keçirilmə qaydaları:

Müsabiqə 28 oktyabr - 1 mart 2010-cu il tarixlərində keçiriləcək. Müsabiqədə iştirak könüllü və ödənişsizdir.
Müsabiqədə təqdim ediləcək materialların hazırlanması ilə bağlı bütün xərclər iştirakçı tərəfindən qarşılanır. Layihə üzrə sorğular elektron məktubu vasitəsilə project@corp.yumroo.com ünvanına göndərilir. Müsabiqədə iştirak etməkdən imtina etmək üçün sorğuların qəbulunun bitməsinə ən azı 3 gün qalmış project@corp.yumroo.com ünvanına bildiriş email göndərmək kifayət edər. İştirakçılar tərəfindən göndərilən materiallar geri qaytarılmır və onlara resenziya yazılmır.

Qiymətləndirmə və qaliblərin müəyyən edilməsi:

Müsabiqədə təqdim olunan layihələr ictimai mövzularına istiqamətləndirilməlidir.

Layihələr aşağıdakı şəkildə təqdim oluna bilərlər:

Mətn materialı, 6 səhifə, şrift 12, interval 1,5, Times New Roman, azərbaycan, rus və ya ingilis dillərində. Layihə tezis, diplom və kurs işləri kimi təqdim oluna bilər.

Layihələrlə eyni zamanda təqdim olunur: kompüter modelləri, kompüter prezentasiyaları, foto, audio, qrafika və mətn materialların istifadəsi ilə kompüter kompozisiyaları, reklam şəbəkə məhsulları.

İş aşağıdakı bəndlərdən ibarət olmalıdır:

1. Layihənin adı
2. Layihənin məqsədi
3. Tədbiq olunan texnologiyalar
4. Layihənin təsviri
5. Nəticələr
6. İnkişaf planı

Qiymətləndirilmənin ümümi istiqaməti:

• layihənin Müsabiqə məqsədlərinə uyğunluğu;
• ictimai və praktiki əhəmiyyəti və dəyəri;
• layihə ərzində həll olunan tapşırığın aktuallığı;
• layihə ərzində istifadə olunan İT texnologiyalarla əldə olunan nəticələr arasında dəqiq əlaqə;
• innovasiya – istifadə olunan ideyaların, üsulların və texnologiyaların yeniliyi;
• layihənin səmərəliyi – maddi və mənəvi nəticənin əldə edilməsi: çap məhsulları, multimedia məhsulları, qazanılmış biliklər;
• layihənin yenidən icra olunması və tirajın təyin edilməsi;
• layihənin təqdim olunduğu istiqamət üzrə müsbət iş təcrübəsinin olunması.

Qaliblərin mükafatlandırılması:

Birinci, ikinci və üçüncü yerləri qazanan Müsabiqə iştirakçıları diplomlar və qiymətli hədiyyələrlə mükafatlandırılacaqlar.
Müsabiqənin nəticələri Forumun yekun materiallarında müzakirə olunacaq və xüsusi KİV-lərdə öz əksini tapacaq.
Müsabiqə qaliblərin mükafatlandırma mərasimi ictimai, ticarət və digər təşkilatların iştirakı ilə keçiriləcək.
Ən yaxşı müsabiqə işləri ictimaiyyətin diqqətinə çatdırılacaq və www.internetforum.az 1-ci Milli İnternet Forumun saytında yerləşdiriləcək.